Шанхай ҳамкорлик ташкилоти саммитида иштирок этиш учун мамлакатимизга келган давлатлар раҳбарлари ўзаро манфаатли ҳамкорликнинг ҳолати ва истиқболларини бир-бирлари билан учрашиб муҳокама қилишмоқдалар.
Хусусан, Қирғиз Республикаси президенти Садир Жапаров Самарқандда Владимир Путин билан учрашди.
Шунингдек, Тожикистон Президенти Эмомали Раҳмон саммит доирасида Хитой Халқ Республикаси Раиси Си Цзиньпин ва Покистон бош вазири Шаҳбоз Шариф билан учрашув ўтказган.
Имомали Раҳмоннинг Эрон президенти Саид Иброҳим Раиси билан бўлиб ўтган суҳбатида икки давлат ўртасидаги кўп томонлама ҳамкорликка оид масалалар муҳокама қилингани ҳақида хабар бермоқда Тожикистон Республикаси президенти матбуот хизмати .
Асосан хусусий ва давлат секторлари ўртасидаги ҳамкорликни ривожлантириш, сармояларни жалб қилиш, қўшма саноат корхоналарини ташкил этиш, икки мамлакатнинг эркин иқтисодий зоналари ва саноат шаҳарлари ўртасида тўғридан-тўғри алоқаларни йўлга қўйишга устувор аҳамият қаратилган.
Шунингдек, Имомали Раҳмон икки давлат транзит имкониятларидан фойдаланиш, Тожикистон ва Эрон вилоятлари ва шаҳарлари ўртасида тўғридан-тўғри ҳамкорликни давом эттириш бўйича қўшма ишчи гуруҳ тузишни қўллаб-қувватлаган
