Бир неча кундирки, турли манбалар Душанбедан фақат Тожикистон президенти Эмомали Раҳмон вафот этгани ҳақидаги миш-мишларни келтирмоқда. Бу миш-мишнинг расмий ёки норасмий тасдиғи йўқ. Бу ҳақда россиялик таниқли таҳлилчи Андрей Серенко ўзининг телеграм-каналида ёзди.
“Манбаларнинг таъкидлашича, бугун Тожикистон пойтахти хавфсизлик кучлари билан тўлиб-тошган, ҳуқуқ-тартибот идоралари, уларга кўра, казарма ҳолатига ёки кучайтирилган хизмат режимига ўтказилган ( "худди уруш давридагидек"). Ва буларнинг барчаси мамлакат президентининг ўлими ҳақидаги миш-мишлар фонида. Мен бу миш-мишларни на тасдиқлай, на инкор эта олмайман.
Мен ҳеч бўлмаганда аниқлик киритиш учун бир неча кун сабр билан кутдим, лекин турли манбалардан келган хабарлар сони йигирмадан ошганида, мен барибир ушбу постни ёзишга қарор қилдим. Расмий Душанбедан тасдиқлаш ёки рад этишни кутмоқдамиз”, — деди Серенко баёнотида.
“Идоравий самолётнинг Москвадан Душанбега, сўнгра у ердан Санкт-Петербургга ғалати парвози ҳақида қизиқарли хабар. Афтидан, Тожикистон пойтахтида ҳақиқатан ҳам жиддий воқеа юз бераётгандек. Агар Биринчисининг ўлими бўлмаса, унда жиддий касаллик ёки шунга ўхшаш нарса бўлиши мумкин", - дея таъкидлайди Серенко.
