Эрон Ташқи ишлар вазирлиги Россиянинг Украинанинг вақтинча босиб олинган Донецк, Луганск, Херсон ва Запороже вилоятларида уюштирган "референдумлар"ни тан олмаслигини билдирди.
Бу ҳақда Эрон Ташқи ишлар вазирлиги вакили Носир Кананий брифингда маълум қилди, дея хабар берган вазирлик матбуот хизмати.
“Ислом Республикаси, ҳар доимгидек, ўзининг принципиал позицияларига мувофиқ, халқаро ҳуқуқнинг асосий нормаси сифатида барча давлатларнинг суверенитети ва ҳудудий яхлитлиги тамойилини тўлиқ ҳурмат қилиш ҳамда БМТ Низоми тамойиллари ва мақсадларини ҳурмат қилиш зарурлигини таъкидлайди”, - деди Канани.
Унинг сўзларига кўра, Эрон “тинчлик, барқарорлик ва осойишталик йўналишини бузиши мумкин бўлган ҳар қандай провокацион ҳаракатларга” қарши.
Эрон Россиянинг кам сонли иттифоқчиларидан бири ҳисобланади. Шунга кўра, Теҳрон Россия армиясини Украина Қуролли кучлари жанубий йўналишда мунтазам равишда уриб туширадиган учувчисиз учоқлари билан таъминлаётгани хабарлар тарқалди. Бироқ, Эрон Россияга Украинадаги уруш учун учувчисиз учоқлар етказиб берганини рад этди.
"Эрон Ислом Республикаси Украинадаги можарода фойдаланиш учун Россияга (Эрон) учувчисиз самолётлар етказиб берилиши ҳақидаги эълон қилинган хабарни асоссиз деб ҳисоблайди ва уларни тасдиқламайди", дейди Эрон Ташқи ишлар вазирлиги матбуот котиби Носир Қани.
