Эртага, 14 октябрь куни Қозоғистон Республикасининг Остона шаҳрида МДҲ Давлат раҳбарлари кенгашининг мажлиси бўлиб ўтади.
Тадбир давомида биргаликда суратга тушиш, МДҲ Давлат раҳбарлари кенгашининг тор доирадаги ва кенгайтирилган мажлисларида иштирок этиш ва делегация раҳбарларининг сўзга чиқиши ҳамда МДҲ доирасидаги ҳамкорлик масалалари бўйича ўзаро фикр алмашиш кўзда тутилган.
Бундан ташқари, савдо-иқтисодий, маданий-гуманитар ва иқлим ўзгариши масалалари ҳамда хавфсизлик соҳасида интеграция алоқаларини янада ривожлантириш ва мустаҳкамлашга қаратилган бир қатор ҳужжатларни қабул қилиш режалаштирилган.
Шунингдек, сайлов органлари йўналишида ҳамда коррупцияга қарши курашиш масалалари бўйича ҳамкорликни назарда тутувчи бир неча халқаро шартномалар имзоланади.
