Маълумки,16-22 октябрь кунлари Ўзбекистонда "Озарбайжон маданияти ва адабиёти кунлари" ўтказилади.
Ўзбекистондаги Ҳайдар Алиев номидаги Озарбайжон Маданият Маркази ташкилотчилиги, икки мамлакат Маданият вазирликлари, Озарбайжон Миллий Мажлиси Маданият қўмитаси ва Озарбайжоннинг Ўзбекистондаги Элчихонаси кўмагида ташкил этилган тадбирлар пойтахтдан ташқари Бухоро, Навоий ва Самарқанд вилоятларини ҳам қамраб олади.
Ўзбекистондаги Ҳайдар Алиев номидаги Маданият Марказининг хабар беришича, Бухоро шаҳрининг "Ёшлар маркази" да бўлиб ўтган тадбирда Озарбайжондан келган меҳмонлар, маҳаллий ҳокимият вакиллари, маданият ва санъат намояндалари, маҳаллий озарбайжонлар, университет талабалари, журналистлар ва бошқалар иштирок этдилар.
Бухоро шаҳри ҳокими Жамол Носиров Озарбайжондан келган меҳмонларга миннатдорлик билдириб, шаҳарда илк бор ўтказилаётган Озарбайжон маданияти кунлари икки мамлакат ўртасидаги дўстона, маданий ва адабий алоқаларни янада мустаҳкамлашга хизмат қилишига ишонч билдирди.
Ўзбекистондаги Ҳайдар Алиев номидаги Озарбайжон Маданият Маркази директори Самир Аббасов ўз нутқида давлатларимиз ўртасидаги муносабатларнинг юксак даражаси ҳақида гапирар экан, давлат раҳбарларининг муваффақиятли сиёсати натижасида бу муносабатлар стратегик иттифоқчилик даражасига кўтарилганини таъкидлади.
Маданий алоқалар ҳақида маълумотга эга бўлган дипломат Озарбайжон маданияти ва адабиёти кунлари доирасида Бухоро вилояти аҳолисига миллий маданиятимиз, мусиқа, рақс, тасвирий санъат, мусиқа асбоблари, миллий либослар тақдим этилишини,кутубхоналар ва маҳаллий диспора ташкилотига Озарбайжон ҳақидаги кўплаб нашрлар ҳадя этилишини таъкидлади. У бу йил Озарбайжон Республикаси Президенти Илҳом Алиев томонидан "Шуша йили" деб эълон қилинганлигини таъкидлаб, Ўзбекистонда ушбу йўналишда амалга оширилаётган тадбирлар ва лойиҳалар ҳақида сўз юритди.
Озарбайжон Республикаси Миллий Мажлиси Маданият Қўмитаси раиси, депутат Ганира хоним Пашаева Озарбайжон ва Ўзбекистон ўртасидаги муносабатлар барча соҳаларда изчил ривожланиб бораётганини таъкидлади. Халқларимиз дўст, биродар эканлигини таъкидлаб, бундай тадбирларни доимий ўтказиш муҳимлигини таъкидлади. Турк дунёси ўртасидаги ҳамжиҳатлик ҳақида гапирар экан, Ганира Пашаева Озарбайжоннинг Қорабоғдаги ғалабаси ва Ватан урушида туркий давлатларнинг қўллаб-қувватлаганлигини миннатдорлик билан қайд этди.
Тадбир катта консерт дастури билан давом этди. Озарбайжон ва Ўзбекистон Халқ артисти Гуляноқ Маммадова, Самарқандда бўлиб ўтган "Шарқ тароналари" халқаро мусиқа фестивали Гран-При совриндори Соҳиб Пашазодалар миллий куй- қўшиқларимизни ижро этдилар.
Консерт дастурида Ўзбекистондаги Ҳайдар Алиев номидаги Озарбайжон Маданият маркази қошидаги "Кайкеб Алиева номидаги Озарбайжон қизлари" рақс ансамбли миллий рақсларимизни ижро этди.
Тадбирда Озарбайжон ва Ўзбекистоннинг миллий нақшлари ва ранглари акс этган миллий либослар тўплами намойиш этилди. Либослар озарбайжонлик моделер Афоқ Исмоилзода томонидан яратилган.
