Россия президенти Германия канцлери Олаф Шольц ва Франция етакчиси Макрондан кўра туркиялик ҳамкасби Режжеп Тоййип Эрдўғон билан Анқара позицияси туфайли тез-тез мулоқот қилмоқда. Бу ҳақда РФ раҳбари матбуот котиби Дмитрий Песков маълум қилди.
"Анқара Париж ва Берлинникидан фарқли позицияни эгаллайди. Анқара Россия билан алоқалар учун барча саъй-ҳаракатларини давом эттиришга тайёрлигини маълум қилди. Президент Путин эса Туркиянинг ҳамкорлик борасидаги ишларини бир неча бор олқишлаган", — дейди Песков.
Бундан ташқари, Россия Туркия билан "жуда кенг савдо-иқтисодий алоқаларга эга", мамлакатлар турли йирик лойиҳаларни амалга оширмоқда, деди у.
"Буларнинг барчаси давлат раҳбарларининг бир-бири билан тез-тез мулоқот қилишлари сабабдир", — деб тушунтиради Кремль матбуот котиби.
Унинг сўзларига кўра, Макрон ва Шольц сўнгги пайтларда Россия томонининг позициясига "қулоқ солишни истамаган".
