Унда ўзаро ҳамкорлик, келажакдаги истиқболлар ҳақида сўз бормоқда. Шунингдек, киноижодкорлар ҳамкорлик учун таклиф этилаётган ўз лойиҳалари питчингини ҳам тақдим этишаяпти.
Ўзбек кинематографлари туркий тилли халқларнинг миллий қаҳрамони бўлмиш Хўжа Насриддин ҳақидаги 16 қисмдан иборат анимацион фильмни саммитда биринчи бўлиб тақдим этишди. Шуни ҳам қайд этиш жоизки, Лойиҳа продюссери, муаллиф ва режиссёр Тимур Бекманбетов ҳам саммитда иштирок этмоқда.
Эслатиб ўтамиз, бугун, 4 ноябрь куни соат 18:00 да “Қўрқут ота” кинофестивали доирасида “Ўзбекистон киноси кунлари” бўлиб ўтади. Дастур доирасида ўзбек киноюлдузлари, актёрлар ва режиссёрлар билан ижодий учрашув ташкил этилади.
Эслатиб ўтамиз, 1 ноябрь куни Туркиянинг Бурса шаҳрида бошланган “Қўрқут ота” халқаро кинофестивали давом этмоқда. Айни вақтда 30 дан ортиқ ўзбек делегацияси вакиллари, киноижодкорлар Туркияда бўлиб туришибди.
Бугун “Қўрқут ота” иккинчи халқаро кинофестивали доирасида туркий тилда сўзлашувчи 17 давлатдан ташриф буюрган киноижодкорларнинг саммити бўлиб ўтди.
Унда ўзаро ҳамкорлик, келажакдаги истиқболлар ҳақида сўз борди. Шунингдек киноижодкорлар ҳамкорлик учун таклиф этилаётган ўз лойиҳалари питчингини ҳам тақдим этишди.
Ўзбек кинематографлари туркий тилли халқларнинг миллий қаҳрамони Хўжа Насриддин ҳақидаги 16 қисмдан иборат анимацион фильмни саммитда биринчи бўлиб тақдим этишди. Шуни қайд этиш жоизки, Лойиҳа продюссери, муаллиф ва режиссёр Тимур Бекманбетов ҳам саммитда иштирок этди.
Ушбу фестивалда 57 та фильм икки йўналишда ғолиблик учун рақобатлашади. Улар орасида ўзбек киноижодкорларининг иккита картинаси ҳам бор. Булар кинорежиссёр Дилмурод Масаидовнинг “Аёл қисмати” бадиий фильми ҳамда Фурқат Усмоновнинг “Инсон” кўп қисмли хужжатли фильмидир.
Шунингдек, Дилмурод Масаидовнинг “Аёл қисмати”, Акром Шохназаровнинг “101 рейс” ва Иброҳим Расуловнинг “Муҳаббат баҳори” фильмлари намойиши бўлиб ўтади.
Актриса Нигора Каримбоева “Қўрқут ота” кинофестивали ҳақида:
“Санъат элларни бирлаштиради. “Қўрқут ота” туркий халқлар иккинчи халқаро кинофестивалининг кўҳна Бурсада ўтказилишида ҳам мажозий маъно бор. Усмонлининг маданий ўчоғи бўлган шаҳарда тили, ота-боболари, урф-одати бир бўлган қардош халқларнинг маданият байрамида жам бўлишини муҳим воқелик сифатида эътироф этишга ҳақлимиз, деб ўйлайман. Қолаверса, ушбу халқаро кинофестивалда “Ўзбекистон киноси кунлари”нинг ўтказилиши, ўзбек фильмларининг намойиши ҳам миллий кинематографиямиз янги марраларни забт этаётганидан дарак беради. Фестиваль иштирокчилари учун ўзбек фильмлари намойиши манзур бўлишига ишонаман. Танлов дастурларида иштирок этаётган фильмлар режиссёрларига омад тилаб қоламан.”
