АҚШ янги B-21 Raider стратегик бомбардимончи самолётини намойиш этди. Самолёт жаҳондаги илк олтинчи авлод бомбардимончиси ҳисобланади, дея ёзмоқда "zamon.uz".
Унинг намойишида АҚШ мудофаа вазири Ллойд Остин иштирок этган.
"Бу шунчаки яна бир самолёт эмас. Бу Американинг республикани ҳимоя қилиш қатъиятини ўзида акс эттиради", — деган вазир.
B-21 Raider 30 йил ичида илк бор янги яратилган бомбардимончи самолёт саналади. У оддий ва ядро бомбаларини олиб юришга мўлжалланган. Самолёт Иккинчи жаҳон урушида Японияга қарши жангларни бошқарган подполковник Жеймс Дулиттл шарафига номланган.
У 2023 йилда ҳавога кўтарилади.
