26 март куни Бухоро шаҳридаги “Самонийлар” маданият ва истироҳат боғида носоз каруселдан кичик болали эр-хотин қулаб тушди. Учаласи ҳам оғир яраланган.
“Истеъмолчи Бухоро плюс” Телеграм канали воқеа содир бўлган пайтда оила суратга олаётган видеони эълон қилди.
Маълум қилинишича, боланинг бош суягида ёрилиш ва мияси чайқалган. Эркакнинг қўли синган, аёлда ички органлар гематомалари бор.
Тегишли ташкилотлар вазиятни ўрганганида каруселда ўриндиқни кузовга маҳкамлаб турувчи қисми йўқлиги аниқланган.
