Тошкент шаҳрида иккинчи Тошкент халқаро инвестиция форуми бўлиб ўтди. Форум доирасида “Сув ресурсларини комплекс бошқариш: қишлоқ хўжалигини барқарор ривожлантириш, Марказий Осиёда озиқ-овқат хавфсизлигини таъминлаш” мавзуида панел мунозараси ўтказилди.
Мутахассисларнинг фикрича, 2040-2050 йилларга келиб сув ресурсларига талаб ортиб бориши жаҳон иқтисодиётида таркибий ўзгаришларга олиб келиши муқаррар. Жаҳон метеорология ташкилоти ҳисоботига кўра, 2050 йилга бориб Ер юзида 5 миллиарддан ортиқ одам у ёки бу даражада сув танқислигини бошдан кечиради. Панел сессия иштирокчилари сув танқислиги қишлоқ хўжалиги ва умуман иқтисодиётни ривожлантириш учун жиддий муаммога айланиши мумкинлигини таъкидладилар.
Экспертлар Марказий Осиёда қишлоқ хўжалигининг барқарор ривожланиши ва озиқ-овқат хавфсизлиги учун сув ресурсларини комплекс бошқаришнинг аҳамиятини муҳокама қилдилар. Шунингдек, сув ресурсларини комплекс бошқариш механизмларини самарали жорий этиш бўйича кўриладиган чора-тадбирлар ҳам муҳокама қилинди.
Ўзбекистон сув хўжалиги вазири ўринбосари Азимжон Назаров сув ресурсларининг 80 фоизи бошқа мамлакатлардан оқиб келиши, атиги 20 фоизи мамлакатимизда ҳосил бўлишини таъкидлади. Бундан 30-40 йил аввал яратилган инфратузилма эса жиддий модернизацияни талаб қилади. Сув ресурслари билан таъминланишнинг камайиши, янги обектлар сонининг кўпайиши натижасида аҳоли сони ўсиб бормоқда, бу эса сув ресурсларининг янги миқдори ва сифатини талаб қилади. Ҳисоб-китобларга кўра, 2030-йилга бориб Ўзбекистонга 7 миллиард куб метр сув етишмайди.
Бостон Cонсултинг Гроуп бошқарувчи директори ва ҳамкори Игор Алексеев буни қуйидаги таклифлар билан тасдиқлайди:
“Агар Ўзбекистонда сувни тежаш бўйича барча ташаббусларни тўпласак, тахминан 19 миллиард доллар сармоя талаб этилади. Шундан 4 млрд. насос стансиялари ва 6 млрдга яқини хўжалик субектларига сув тежовчи технологияларни жорий этиш учун субсидиялар учун кетади. Молия вазирлиги ва Сув хўжалиги вазирликлари билан биргаликда ушбу каналлар функциясини баҳолаган ҳолда каналлар тизимининг моделини ишлаб чиқдик. Энг муҳими эса - маълум бир ҳудудда сувни иқтисодий таъминлаш тизимини ишлаб чиқиш", - дея таъкидлади у.
