The Nikkei Asia (Япония) нашри куни кеча ўтказилган референдум ҳақида шундай ёзмоқда:
“Конституцияга киритилаётган ўзгартиришлар Марказий Осиёдаги 35 миллион аҳолига эга бўлган (*нашрда шундай берилган – таҳририят) мамлакатдаги ислоҳотларнинг янги босқичидир. Бу ўзгаришлар Президент Шавкат Мирзиёев 2016 йилда ҳокимият тепасига келганидан сўнг бошланган эди. Унинг даврида улкан иқтисодий ислоҳотлар амалга оширилди, сиёсий маҳбуслар озод қилинди, ўнлаб йиллардан буён давом этиб келаётган пахта етиштиришдаги мажбурий меҳнатга барҳам берилди.
Оммавий муҳокамаларда 60 мингдан зиёд таклифлар келиб тушди. Референдумдан олдин ҳукумат томонидан “Конституция меники, сеники, ҳаммамизники” шиори остида жуда кўплаб тадбирлар уюштирилди”.
