“Ўзбекистон нефть ва гази – OGU-2023” 25-юбилей кўргазмаси ва Ўзбекистон учинчи халқаро энергетика форуми доирасида болалар ва ўсмирлар учун “Яшил иқтисодиёт ва қайта тикланадиган энергия манбалари” мавзусида расмлар танловининг ғолиблари тақдирланди.
Ушбу танловга "Ўзбекнефтгаз" АЖ тасарруфидаги корхонларда фаолият олиб бораётган ишчи-ходимлар фарзандлари томонидан чизилган 110 дан ортиқ расмлар келиб тушди.
Мазкур танлов келажак авлодни яшил иқтисодиёт, энергия тежаш ва қайта тикланадиган энергия манбалари ҳақидаги тасаввурларини шакллантириш, экология ва табиатни муҳофаза қилишга бўлган қизиқишларини кучайтириш, бадиий маҳоратларини ривожлантириш ҳамда истеъдодларини рағбатлантириш мақсадида ташкил этилди.
Танловга юборилган барча суратларда энергияни тежаш ва қайта тикланадиган энергия манбаларининг Она табиатга ижобий таъсири болалар тасарруфида акс эттирилган.
Ҳакамлар ҳайъати томонидан танловда иштирок этган қуйидаги учта ёш гуруҳидаги болалар ўртасида ғолиблар аниқланди:
- 6 ёшдан 8 ёшгача бўлган болалар ўртасида Муйдуллаева Эъзоза биринчи ўрин, Содиқов Саидбек иккинчи ўрин, Қўзибаева Азиза учинчи ўрин ғолиби деб топилди.
• 9 ёшдан 11 ёшгача бўлган болалар ўртасида Ғазиева Гулсанам биринчи ўрин, Юсупова Барно иккинчи ўрин, Хасанова Сафина учинчи ўринни қўлга киритди.
• 12 ёшдан 14 ёшгача бўлган болалар ўртасида Жолдасбаева Бекназир биринчи ўрин, Хакимова Хадичабегим иккинчи ўрин, Прояева Анастасия учинчи ўрин ғолиблигини қўлга киритди.
Ғолиб болажонлар “Ўзбекнефтгаз” АЖ томонидан қимматбаҳо эсдалик совғалари билан тақдирланади.
