АҚШ Савдо вазирлиги жума куни Россия, Қирғизистон ва Арманистоннинг 71 компаниясига нисбатан янги санкциялар ва экспорт чекловларини эълон қилди. Бу ҳақда РИА Новости хабар берди.
Федерал реестрда эълон қилинган ҳужжатга кўра, агентлик "АҚШ ҳукумати белгилаганидек, АҚШнинг миллий хавфсизлиги ва ташқи сиёсати манфаатларига зид бўлган 71 компанияга нисбатан экспорт чекловлари рўйхатини кенгайтирди", бу ҳақда ҳужжатда келтирилган.
Нашр этилган рўйхатда Арманистон ва Қирғизистондан биттадан компания бор, қолганлари эса Россияга қарашли. Санкциялар остида қолган Россия компаниялари орасида Россия Федерацияси Давлат илмий маркази, "Марказий кимё ва механика илмий-тадқиқот институти" Федерал давлат унитар корхонаси, Қозон кукуни заводи, асбобсозлик, самолётсозлик, кема таъмирлаш ва кемасозлик, машинасозлик заводлари бор. Жумладан, Брянск автомобиль заводи, "БУРЕВЕСТНИК" марказий илмий-тадқиқот институти, Академик М. Ф. Решетнев номидаги "Ахборот йўлдош тизимлари" АЖ, Қозон оптик-механика заводи ва бошқалар бор.
