ФВВ Поп тумани ҳудудидан ўтган А-373 автомобиль йўлида содир бўлган ёнғин тўғрисида маълумот берди.
Айтилишича, бугун соат 01:06 да Наманган вилояти Поп тумани "Садоқат" МФЙ ҳудудидан ўтган А-373 автомобиль йўлининг 277.5 километрида "Водий-Тошкент" йўналишида ҳаракатланиб кетаётган "ДАФ" русумли юк автомобилида ёнғин чиққан.
2 та ёнғин-қутқарув экипажи соат 01:47 да ҳодиса жойига етиб бориб, ёнғин соат 02:00 да ўчирилган.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва моддий зарар миқдори аниқланмоқда.
