Davletovuz блоги Twitter`даги саҳифасида жамоатчилик бехабар қолган бир масалага эътибор қаратди.
Маълум бўлишича, Қонун ҳужжатларига президентнинг 2022 йил 16 июндаги қарори билан ўзгартириш киритилган. Бу ҳақда расмий манбаалар жамоатчилик эътиборини паспорт бериш тартибини соддалаштирилганига қаратган. Аммо ёшни 16 ёшдан 25 ёшгача ошириш банди эътибордан четда қолган.
Шундай қилиб соддалаштирилган ўзгартиришларга кўра, Ўзбекистоннинг 25 ёшгача бўлган фуқаролари учун хорижга чиқиш паспорти энди 5 йил муддатга берилади. Илгари ҳужжат 16 ёшга тўлмаган фуқароларга 5 йил муддатга, 16 ёшдан ошган фуқароларга 10 йил муддатга бериларди.
