Фарғона вилояти, Фарғона шаҳрида яшовчи 40 ёшли аёл вилоят ИИБга ариза билан мурожаат қилиб, фирибгар тузоғига тушгани ҳақида маълум қилган.
Қайд этилишича, у Телеграмда номаълум шахс билан танишиб қолган ва шундан бери унинг банк картасидан жами 6 млн 231 минг сўм миқдоридаги пуллари ечиб олинган.
Ўтказилган тезкор-қидирув тадбирлари натижасида, Тошкент шаҳри, Сергили туманида яшовчи 25 ёшли К.Р. жабрланувчининг телефон рақамига сохта хабарлар жўнатиб, Телеграм орқали банк картаси коди ва смс-хабарномани қўлга киритиб пулларни ўзлаштирганлиги маълум бўлди.
K.R.ga нисбатан Жиноят Кодексининг 168-моддаси 3-қисми билан жиноят иши қўзғатилиб, жиноий жавобгарликка тортилди.
Қонунга мувофиқ, К.Р. томонидан содир этилган жиноий ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.
