АҚШнинг Ўзбекистондаги элчихонаси виза учун маъмурий тўлов миқдорининг оширилиши 2023 йил 30 май кунидан эмас, 2023 йил 17 июндан эътиборан кучга киришини маълум қилди.
АҚШ туристик виза тоифасига ҳамда петиция талаб этмайдиган ноиммиграцион виза турларига мурожаат этувчилар учун маъмурий тўлов миқдори 160 АҚШ долларидан 185 АҚШ долларига кўтарилади. Петиция асосида бўлган (H, L, O, P, Q va R) виза тоифаларига мурожаат этувчилар учун маъмурий тўлов миқдори 190 АҚШ долларидан 205 АҚШ долларига кўтарилади.
