Бугун, 3 июнь куни Ўзбекистон Бадиий академияси Марказий кўргазмалар залида 5 июнь Бутунжаҳон атроф-муҳитни муҳофаза қилиш куни муносабати билан “Рангларда акс этган она табиат” расмлар кўргазмаси бўлиб ўтди. Бу ҳақда Darakchi.uz мухбири хабар берди.
Кўргазмада Экология, атроф-муҳитни муҳофаза қилиш ва иқлим ўзгариши вазирлиги томонидан ташкил этилган пленар доирасида яратилган Ўзбекистоннинг бетакрор табиати манзаралари, муҳофаза этиладиган табиий ҳудудлар тасвирланган суратлар намойиш этилди.
Кўргазма 18 июнга қадар давом этади.
Маълумот учун, Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ҳамда Ўзбекистон Бадиий академияси Ватанимиз мустақиллигининг 32 йиллигига бағишлаб “Рангларда акс этган она табиат” ижодий ишлар танловини эълон қилган эди.
Танлов доирасида 5–27 май кунлари Қорақалпоғистон Республикаси Мўйноқ туманидаги "Дисcоверй" юрта лагери ва "Судоче" кўли, Тошкент вилоятидаги "Угом-Чотқол" ва Жиззах вилоятидаги Зомин миллий табиат боғлари, Қашқадарё вилоятидаги Ҳисор давлат қўриқхонаси ҳамда Бухоро ихтисослаштирилган "Жайрон" питомнигида ташкиллаштирилган пленерда Ўзбекистон Бадиий академияси Рассомлар уюшмасининг 56 нафар аъзоси иштирок этди.
