Қашқадарёлик блогерлар Отабек Артиков ва Мақсуд Музаффаровлар ўз фаолиятини тугатишганини маълум қилишди.
Отабек бугундан бошлаб блогерлик фаолиятимни бутунлай якунлашга қарор қилганлигини, шунчаки барча тармоқлардан кетишни ва оддий ҳамда сокин ҳаёт кечиришни исташини маълум қилган.
"Мен блогимдан моддий даромад топиб бойиб кетганим йўқ, машҳурликни кетидан қувганим ҳам йўқ ва машҳур ҳам эмасман. Шунчаки бу хобби орқали одамларни оз бўлсада муаммоларини ечишни қонунга тупурганларни жунини юлишни истаган эдим.
Нима топдик нима йўқотдик буни билмайман, билганим сизлар билан ўтган вақтимга ачинмайман", дейди у.
Автоблогер Мақсуд Музаффаров ҳам фаолиятини тугатишга қарор қилганини билдирган.
"Менга ота-онамнинг истак-хохиши ҳамма нарсадан муҳим", дейди у.
Эслатиб ўтамиз, 29 май куни Қашқадарё вилоятида фаолият юритувчи икки нафар блогер майда безориликда айбланиб, ҳар бири 5 суткадан маъмурий қамоқ билан жазоланган эди.
