Аввал хабар берганимиздек, Қашқадарёлик блогерлар Отабек Артиков ва Мақсуд Музаффаровлар ўз фаолиятини тугатишганини маълум қилишди. Бунинг ортидан Қашқадарёлик блогерлар - @Karimovuz, @Nasafnewsuz, yazdurdiyev_blog фаолиятини якунлашганини keshnews номаълум муддатга тўхтатганини айтишмоқда.
" Менда қўрқув бўлмаган. Шундай муҳитда тарбияландим. Ҳақлик учун доим баралла гапирдим, жоним хатарда қолса ҳам. Ватанни ҳеч кимдан кам севмадим, ҳатто “ўзбекка душман” дейишса ҳам. Оиламни тақиб қилишди, шахсиятга тегишди, барибир давом этдим. “Сўз эркинлиги” учун курашдик, бироқ…
Бугун вазият жиддийлашди. Сўнгги воқеалар, яъни Капитан Каримов ва Мақсуд Музаффаров билан содир бўлган воқеалар, атиги бир савол учун қамалиб кетиш, нафақат ОАВ, балки инсон ҳуқуқлари билан боғлиқ сўнгги ишлар барчамиз учун “жиддий сигнал” бўлди.
Биринчи раҳбар томонидан узоқ кутилган эркинликни берилиши, яқинда Конституцияда кафолатланган эркинликлардан жуда руҳланган эдим. Бироқ, ўртада катта кучларнинг борлиги (қаршилиги) ҳафсаламни пир қилди. Қисқаси, оиламга тинчлик керак", дейди Yazdurdiyev | #МарсликОвчи блогининг юрутувчиси.
Бу ҳолат жамаотчилик фаоллари томонидан танқид остига олинмоқда. Улар буни Ўзбекистонда сўз эркинлигининг бўғишга бўлган ҳаракатларнинг самараси дея баҳолашмоқда.
Расул Кушербаев ҳолатга шундай муносабат билдирди.
"Бу аслида сўз эркинлиги ва демократияга қилинаётган ҳуруж. Айримлар Ўзбекистонда демократия бўлишини истамаяпти!
Қизиғи, бугун босим қилаётганларнинг ўзлари эртага худди шу блогер ва журналистлардан адолатни юзага чиқаришда ёрдам сўраб келишади. Агар ўша вақтгача улардан кимдир қолган бўлса албатта.
Блогерларнинг кетказилиши демократик Ўзбекистон учун яна йўқотиш бўлди", дейди у.
