“Uzbekistan Airways” авиакомпаниясининг Москва — Наманган йўналиши бўйича HY9620 рейсини амалга ошираётган самолёти Тошкентга фавқулодда қўнди. Бортида 171 йўловчи бўлган самолёт маҳаллий вақт билан соат 14:42 да Тошкент халқаро аэропортига келиб қўнди. Бу ҳақда компания Матбуот хизмати хабар берди.
Қўнишга сабаб туғруқ бошланган ҳомиладор йўловчи бўлган. Экипаж самолётни энг яқин аэропортга қўндиришга қарор қилди.
Аэропортга қўнгач, йўловчи тез ёрдам машинасида олиб кетилган ва малакали ёрдам кўрсатиш учун тиббий муассасага ётқизилган.
