Пенсильвания университети олимлари молекуляр йўлни тўсиб қўйишга асосланган саратонни даволашнинг янги усулини топишди.
Усул макрофаглар деб аталадиган оқ қон ҳужайралари турига асосланган. Бу ҳужайралар вируслар, бактериялар ва бошқа патогенларни бартараф этади. Макрофаглар ўлари билан тўқнашган бегона нарсаларни эслаб қолишади, бу эса келгусида патогенларга ҳужум қилиш имконини беради – иммунитет шаклланади. Аммо иммунитет ҳужайралари одатда саратон ўсмалари билан кураша олмайди, чунки улар уларни “бегона” деб билишмайди, уларни тананинг бир қисми деб “билишади”.
Тадқиқотчилар макрофагларнинг ўсма ҳужайраларини аниқлаш ва уларга ҳужум қилишини ўргатиш учун ҳужайралар орасидаги алоқани бошқарадиган молекуляр йўлни ўрганишди. Тананинг барча “ўз” ҳужайраларида аниқланган макрофагдаги SIRP ва CD47 оқсиллари ўртасидаги ўзаро таъсирни ўчириб қўйиш хавфли ўсмаларни даволашнинг янги турини яратишга имкон берди.
Кейин усул Петри идишларидаги сичқончанинг меланома ҳужайралари конгломератларида синовдан ўтказилди. Маълум бўлишича, макрофаглар саратон ҳужайралари атрофида тўпланиб, уларни ажратиб, ўсимани аста-секин йўқ қилган. Тирик сичқонларда ўтказилган тажрибада молекуляр йўлни ўчириб қўйиш субъектларнинг 80 фоизида ўсмаларни бартараф этди. Бир неча ҳафта ўтгач, саратонга қарши иммуноглобулин G га нисбатан антитаначалар даражаси ошди.
Макрофаг терапияси саратонга қарши вакцинани ишлаб чиқишда ёрдам бериши кутилмоқда, деб хабар беради lenta.ru.
