“Вагнер” жангчиларини ёлғон билан Пригожиннинг жиноий авантюрасига ва қуролли қўзғолонига жалб қилишди

Россия Мудофаа вазирлиги жангчиларга мурожаат билан чиқди. Бу ҳақда Спутник Ўзбекистон хабар бермоқда. 

“Сизнинг бир нечта отрядлардаги кўплаб ўртоқларингиз хатоларини тушунишди ва доимий жойлашув жойларига хавфсиз қайтиш имкониятини таъминлаш учун ёрдам сўрашди”, дейилади мурожаатда.

Вазирликка кўра, мурожаат қилган барча жангчи ва командирларга аллақачон ёрдам кўрсатилган.

“Ақл билан иш қилишингизни ва имкон қадар тезроқ Россия Мудофаа вазирлиги ёки ҳуқуқни муҳофаза қилиш идоралари вакиллари билан боғланишингизни сўраймиз. Биз барчанинг хавфсизлигини кафолатлаймиз”, дейилади хабарда.