АҚШда аэропорт ишчиси самолёт двигателига кириб кетиши оқибатида вафот этди

Сан-Антонио халқаро аэропорти ишчиси Delta Air Lines  реактив двигателига кириб кетиши оқибатида вафот этди. Бу ҳақда  Fox News телеканали хабар бермоқда.

Телеканал маълумотларига кўра, ходим Unifi Aviation компаниясида ишлаган.  Аэропортда самолётлардан бири Лос-Анжелесдан бир двигатели бузилган ҳолда учиб келган. Таъмирлаш вақтида двигател ишлаб кетган ва техник хизмат кўрсатаётган ходимни тортиб кетган.

Воқеа жойига етиб келган қутқарувчилар  уни қутқаришга улгурмаган. Текширув авария компаниянинг операцион жараёнлари ва хавфсизлик сиёсати билан боғлиқ эмаслигини кўрсатган.