Фарғона вилояти Жиноят ишлари бўйича Бешариқ туман судида Данғаралик 30 ёшли фуқарога нисбатан қўзғатилган жиноят иши кўриб чиқилди. Бу ҳақда Олий суд матбуот котиби Азиз Абидов маълум қилди.
Судда ўз айбига иқрор бўлиб, кўрсатма берган Абдуллаевнинг билдиришича, турмуш ўртоғи билан жанжаллашиб қолади. Бунинг натижасида хотини кетиб қолади
Жорий йил 8 январ куни аёли яшаб турган уйга фарзандини кўриш учун боради. У ерда хотинининг телефонини текширганида эркакнинг яқин ўртоғини “Бегим” деб сақлаб қўйганини кўради. Ундан ташқари Телеграмини кўрганида ўртоғи Алиев билан ишқий муносабатда ёзишган смсларини топади.
Бундан жаҳли чиққан эр ўртоғи билан кўришиб, гаплашиб олиш ниятида унга қўнғироқ қилган. Сўнг уни ўзи ишлаб келаётган иссиқхонага чақирган. Шу куни соат 22:30 ларда иссиқхонага келган Алиев билан ўзаро суҳбат пайтида жанжаллашган. Жанжал давомида дўсти хотини билан юрганини айтган. Шунда эр қўл-оёғи билан дўстини дуч келган жойига муштлаб, тепиб ташлаган.
Натижада жароҳатланган Алиев даволаниш учун шифохонага ётқизилади. Бироқ 10 январ куни у тиббий муолажаларга қарамай, шифохонада вафот этади.
Ҳолат юзасидан юритилган жиноят иши Бешариқ туман судида кўриб чиқилди. Унга кўра, жиноятчи Ўзбекистон Республикаси Жиноят Кодексининг 104-моддаси 3-қисми “б” банди билан айбли деб топилиб, 8 йил-у 6 ой муддатга озодликдан маҳрум этиш жазоси билан жазоланиши белгиланди.
