Жорий йилда "Хива-Бейнеу” магистрал газ қувурининг 307-километрида газ ўлчов станцияси қурилади
Бу ҳақда АОКАда ўтказилган брифингда "Ўзтрансгаз" акциядорлик жамиятининг ахборот хизмати раҳбари Шаҳноза Равшанова маълум қилди:
Ўтган олти ой давомида “Ўзтрансгаз” АЖ тасарруфидаги магистрал газ қувурларининг 98 %, шунингдек 413 та газ тақсимлаш станцияси, 23 та компрессор станциялари Миллий геоахборот тизимига киритилди.
Ўтган давр мобайнида “Бухоро-Урал”, “Газли-Нукус”, “Муборак-Когон”, "Муборак-Зирабулоқ" ҳамда яна қатор магистрал газ қувурларида аниқланган нуқсонли қисмлар алмаштирилди. Айни йўналишдаги ишлар режага асосан давом этади.
