Бироз аввал ижтимоий тармоқларда Ўзбекистонда машҳур клипмейкер Наримон Султонхўжаевнинг собиқ рафиқаси М.Султанходжаеванинг “Уч болам билан кўчада қолдирди” деган мазмундаги видео хабарлари тарқалгани ва вазиятга МИБнинг муносабатини берган эдик.
Клипмейкернинг собиқ турмуш уртоғи оммавий видеомурожаатидан сўнг вазият янада чигаллашгани ҳақида ўзининг ижтимоий тармоқлардаги саҳифаси орқали гапириб берди.
Унинг айтишича, биринчи видео ижтимоий тармоқларда эълон қилингач, М.Султанходжаеванинг собиқ турмуш уртоғи, қайнота ва қайнонаси уни судга берган.
Шунингдек, клипмейкернинг собиқ рафиқаси унга ва болаларига суд томонидан қонуний ажратиб берилган уйга борганда Наримон Султонхўжаевнинг ҳозирги кунда яшаб келаётган ҳомиладор аёли М.Султанходжаевани уриб юзларини кўкартириб ташлаганини гапириб берди.
