Абитуриент ҳужжат топширишда грантни танласа, контрактда ўқий олмайдими?
Танлов устворлигини танлаш — абитуриентлар учун яратилган энг қулай имкониятлардан бири. Бунда абитуриент билимига қараб аввал грантда ўқиш имкониятларини кўриб чиқади.
Қандай қилиб танлаш мумкин?
Абитуриент ОТМга ҳужжат топшираётганда 2 хил усулдан бирини танлаши мумкин:
- “Давлат гранти”ни танласа — танлаган барча таълим йўналишларида дастлаб давлат гранти, сўнгра тўлов-контракт асосида;
- “Таълим йўналиши”ни танласа — ҳар бир таълим йўналишида давлат гранти ва тўлов-контракт асосида кетма-кет танловда иштирок этади.
Танлов абитуриент танлаган таълим йўналишларининг қатъий кетма-кетлиги бўйича у танлаган устуворлик асосида амалга оширилади.
Қисқа айтганда, абитуриент 1-усулда энг аввал фақат грантга балли етадиган жойларни, 2-усулда эса ҳам грант, ҳам контрактга балли етадиган жойларни танлаган ҳолда талаба бўлиши мумкин.
Масалан, абитуриент грант устуворлигини танлаган: у Тошкент тиббиёт академиясига контракт, Самарқанд тиббиёт институтига эса грант ўқишга кирди. У грант устуворлигини танлагани учун автоматик равишда Самарқанд тиббиёт инситути талабаси бўлади.
