Жанубий Африка Адлия вазирлиги давлат прокуратураси директори Шамила Батохидан Россия президенти Владимир Путинни ҳибсга олиш учун ордер беришни сўради. Бу ҳақда маҳаллий News24 нашри Претория суди баёнотига таяниб хабар берди.
Қайд этилишича, сўров 17-июл куни, Жанубий Африка халқаро алоқалар департаменти украиналик болаларни Россияга ноқонуний депортация қилишда айбланаётган Путинни ҳибсга олиш учун Халқаро жиноий суд (ХЖС) ордерини мамлакат Адлия вазирлигига топширганидан икки ой ўтиб юборилган.
Прокуратура ҳукуматни Путин август ойида Ёханнесбургда бўлиб ўтадиган BRICS саммитига келса, уни ҳибсга олишга кўндириш учун судга мурожаат қилган. 19 июл куни Жанубий Африка расмийлари Россия президенти саммитда қатнашмаслигини эълон қилганидан сўнг, мухолифатдаги “Демократик алянс” суддан Путинни мамлакатга келган исталган вақтда ҳибсга олишга буйруқ беришни сўради. Ҳукумат эса бу талабга рози бўлди.
