“Тошкент-Самарқанд” пуллик йўлини қуриш лойиҳасини давлат-хусусий шериклик асосида амалга ошириш бўйича Транспорт вазири Илҳом Маҳкамов ҳамда ЕТТБ вакиллари ўртасида учрашув ўтказилди. Бу ҳақда Транспорт вазирлиги хабар берди.
Маълум қилинишича, мазкур пуллик йўл қуриш лойиҳасининг техник иқтисодий асосини ЕТТБ томонидан ёлланган Туркиянинг “Proyapı Mühendislik ve Müşavirlik” компанияси ишлаб чиқмоқда.
Бунинг учун $1,5 млн миқдоридаги грант маблағлари йўналтирилган.
Томонлар лойиҳанинг техник иқтисодий асосини ишлаб чиқишни жадаллаштириш ҳамда хусусий шерикни аниқлаш бўйича тендер жараёнларини ташкиллаштириш билан боғлиқ масалаларни муҳокама қилишди.
