Аввал хабар берганимиздек, Фарғонада фуқаро такси ҳайдовчиси телефонга жавоб бермагани учун унинг машинасини пачоқлаб ташлади.
Фаррғона ИИБ матбуот хизмати хабарига кўра, ҳолат бўйича ИИО ходимларининг хатти-ҳаракатлари юзасидан тайинланган хизмат текшируви якунига кўра, ўз хизмат вазифасини лозим даражада бажармаганликлари учун Фарғона вилояти ИИБ патруль-пост хизмати отряди сафдор ходимлари В.Н., Э.П ҳамда гуруҳ командири капитан З.О. эгаллаб турган лавозимидан бўшатилди.
Шунингдек, Жамоат хавфсизлиги хизмати жамоат тартибини сақлаш бошқармаси патруль-пост хизмати батальони командири Ҳ.С.га нисбатан “Хайфсан” интизомий жазоси қўлланилди.
