UzAuto Motors автомобилларга шартнома тузилгандан кейин 3 ой ичида эгаларига етказиб берилишини маълум қилди
UzAuto Motors ахборот хизматининг хабар беришича, жорий йилнинг 4 август кунидан бошлаб деярли 51 мингга яқин Chevrolet Cobalt, Lacetti, Labo ва Damas автомобиллари учун шартномаларга тўлов амалга оширилган.
"Компания ишлаб чиқариш жадвалига мувофиқ савдо тизимини жорий этганлиги сабаб, тузилган шартномалар бўйича барча автомобиллар 2023 йилда ўз эгаларига топширилади. Кейинчалик бу муддат 3 ойдан ошмайди", — дейилади расмий муносабатида.
Қайд этилишича, кутиш вақтининг узайиб кетишига йўл қўймаслик учун 2024 йилда ишлаб чиқарилган автомобиллар контрактацияси ҳақида кейинроқ компания расмий саҳифаларида эълон қилинади.
