Қозоғистоннинг Туркистон вилоятидан ўтган Сирдарё дарёсида 11 киши сузиш учун белгиланмаган жойда чўмилиш чоғида чўкиб кетди, деб хабар берди "Казинформ" Фавқулодда вазиятлар вазирлиги матбуот хизматига таяниб.
Фавқулодда вазиятлар департаменти кучлари 6 нафар жасадни сувдан олиб чиқди (шахси ва ёши аниқланмоқда), беш кишини қидириш ишлари давом этмоқда. Маълумотлар жорий ва ўзгариши мумкин.
Воқеа жойига 144 киши, 16 та техника, 6 та сузиш иншооти ва дрон, Фавқулодда вазиятлар бошқармаси, ички ишлар органлари, маҳаллий ижроия органлари ходимлари жалб этилган.
