Кеча, “Маданият, спорт ва оммавий ахборот воситалари ходимларининг меҳнат муносабатларини тартибга солиш тўғрисида”ги ҳукумат қарори қабул қилингани ва Қарор билан айрим турдаги соҳаларда 15 ёшга тўлмаганларга ҳам ишлашга рухсат берилгани ҳақида хабар берган эдик.
Мазкур рўйхатда кўрсатилган ишлар, касблар, лавозимларга 15 ёшга тўлмаган шахсларни ишга қабул қилишда уларнинг соғлиғига ва маънавий камол топишига зиён етказмаслиги, таълим ва касбий тайёргарлиги ва қонунчиликда белгиланган бошқа талабларга риоя этилиши лозим.
Мазкур қарорнининг бажарилишини назорат қилиш Камбағалликни қисқартириш ва бандлик вазири Беҳзод Мусаев зиммасига юклатилди.
