Сал аввал Саудиянинг "Ал-Наср" клубини тарк этган ўзбекистонлик футболчи Жалолиддин Машарипов “Пахтакор” машғулотларида кўриниш берди.
Клуб хабарларига кўра, эртага 29 август куни Навоийда “Қизилқум” билан учрашув бўлиб ўтади.
ФИФА кунларида МТЖ АҚШга сафар қилади.
"Спорт формасини ушлаб туриш мақсадида Жалолиддин Машарипов мураббиймиз Максим Шацких билан келишган ҳолда умумий гуруҳ машғулотларида қатнашяпти", - дейилади хабарда.
Эслатиб ўтамиз, Машарипов "Ал-Наср"да 2021 йилдан бери тўп суриб келётган эди, ўшандан бери Саудия клуби унинг трансфери учун "Пахтакор"га 1 миллион евро тўлаган. Сал аввал эса Криштиану Роналду тўп сураётган "Ал-Наср" клуби ўзбекистонлик футболчи Жалолиддин Машарипов жамоани тарк этганини малум қилди.
Ўтган мавсумда "Пахтакор"нинг 29 ёшли ўйинчиси Саудия Арабистони чемпионатида "Ал-Наср" сафида 14та ўйин ўтказиб, 2та голли узатмани амалга оширган.
Олдинроқ Роналду "Ал-Наср"да Машариповдан еттинчи рақамни олгани ва у клубнинг бу қароридан норози бўлгани айтилганди.
