Бугун, 31 август куни соат 03:53 ларда Китоб Деҳқон озиқ-овқат бозори ҳудудидаги савдо дўконларидан бирида ёнғин содир бўлаётгани тўғрисида хабар келиб тушди, дея хабар бермоқда Қашқадарё вилояти ФВБ матбуот хизмати.
Хабарга кўра, 5 та ёнғин-қутқарув экипажи ёнғинга жалб қилиниб, соат тахминан 03.58 ларда етиб борган, соат тахминан 04.38 ларда тўлиқ ўчирилган.
Ёнғин оқибатида 3 та хўжалик моллари савдо дўконларининг 36 метр квадрат майдонда ички ва том қисми ёниб зарарланган.
Қутқарувчиларнинг саъй ҳаракати натижасида бозорнинг 2700 метр квадраат майдони сақлаб қолинган.
Ҳозирда ёнғин сабаби ва зарарига аниқланмоқда.
