Олий Мажлис Қонунчилик палатаси Фан, таълим, маданият ва спорт масалалари қўмитасининг 8 сентябрь куни бўлиб ўтган йиғилишида мактабларда куз-қиш мавсумига тайёргарлик кўриш борасида олиб борилаётган ишларга ҳам тўхталиб ўтилди.
Йиғилишда қўмита аъзолари муҳокамалар чоғида куз-қиш мавсумига тайёргарлик кўриш борасида олиб борилаётган ишлар ҳолати юзасидан мутасаддилардан изоҳ сўраган.
Вазирлик вакилларининг маълум қилишича, айни пайтда 10 104 та умумтаълим мактаблари мавжуд бўлиб, улардан 486 таси марказий иситиш тармоғи орқали 9 467 таси локал иситиш тармоғи, 151 таси эса қўлбола печлари орқали иситилиши учун зарур чоралар кўрилган.
