Россияда оғир тан жароҳати олган фуқаро Ватанга қайтарилди, дея хабар бермоқда Ташқи меҳнат миграцияси агентлиги.
Маълум қилинишича, фуқаро А.Т. 2022 йилнинг июль ойида Красноярск ўлкасининг Минусинск шаҳрига ишлаш мақсадида борган. Жорий йилнинг 3 июль куни иш пайтида бахтсиз ҳодиса оқибатида, қурилиш обектининг 3-қаватидан тушиб кетади ва оғир тан жароҳати олиб, шаҳар шифохонасига ётқизилади.
Шифохонада унга тиббий ёрдам кўрсатилиб, жарроҳлик амалиёти ўтказилди. Шундан сўнг, Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси ҳисобидан Красноярск – Наманган йўналиши бўйича авиачипта олиб берилиб, Ватанга қайтарилди.
