Тошкент шаҳар ИИББ 15 ёшида онаси билан хорижга чиқиб кетиб, террорчилар сафига бориб қўшилган йигит қидирувга берилганини маълум қилди.
Қайд этилишича, 2000 йилда Тошкент шаҳрида туғилган Ҳасанов Шерзод ҳозирда Ислом давлати халқаро террорчилик ташкилоти аъзоси.
15 ёшли бола 2015 йилнинг ёз ойида онаси ва 2 нафар сингиллари билан айланма йўллар орқали яъни Қозоғистон, Россия ва Украинадан ўтиб Мисрга йўл олган. 2015 йилнинг сентябр ойида Мисрдан Туркияга ўтган. Ушбу давлат орқали эса Сурияга борган. Йигит жангавор ҳаракатларда қатнашиш мақсадида Ислом давлатида халқаро террорчилик ташкилоти сафларига бориб қўшилади.
Ҳуқуқ тартибот идоралари томонидан Ҳасанов Шерзодга нисбатан Жиноят Кодексининг 244-2-моддаси билан жиноят иши қўзғатилган ва қидирув эълон қилинган.
