Деновда тадбиркорнинг 122,1 млн сўмини тунаган мудир қўлга тушди

Бош прокуратура ҳузуридаги Департаментнинг Денов туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда “G.Ph.” МЧЖга қарашли дорихона мудири Ж.Ш. тадбиркорнинг ўзига ишониб топширилган 122,1 млн сўмлик дори воситаларини ўзлаштириш йўли билан талон-торож қилганлиги аниқланган.

Мазкур ҳолат юзасидан ЖКнинг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, прокуратурага юборилган.