Академик, адабиётшунос олим Наим Каримов оламдан ўтди. Бу ҳақда Ўзбекистон Ёзувчилар уюшмаси таъзиянома эълон қилди.
Наим Каримов 1932 йили туғилган. Тошкент Давлат университети (ҳозирги миллий университет)ни битиргандан бери Алишер Навоий номидаги Тил ва адабиёт институтида хизмат қилган. Олим ўнлаб китоблар, юзлаб мақолалар муаллифи. Беруний мукофоти лауреати, Ўзбекистон Республикаси фан арбоби.
Наим Каримовнинг илмий фаолияти асосан, XX аср ўзбек адабиётини, Чўлпон, Фитрат, Ҳамза каби жадидчи ёзувчилар ижодини ўрганиш билан боғлиқ. Олим Ойбек, Ғофур Ғулом, Ҳамид Олимжон, Ҳамзанинг асарлари тўпламини тайёрлашга фаол бел боғлайди. Унинг қаламига “Ҳамид Олимжон” (1979), “Ойбек” (1985), “Усмон Носир”, “Усмон Носир ҳаётининг сўнгги йиллари” (1993-1994) каби илмий-оммабоп китоблар тегишли.
"Эл-юрт ҳурмати" орденига сазовор бўлган.
Darakchi.uz жамоаси Наим Каримовнинг вафоти муносабати билан марҳумнинг оиласи ва яқинларига чуқур ҳамдардлик билдиради.
