Озарбайжон Миллий Мажлис Маданият қўмитаси раиси, депутат бугун ўзи даволанаётган Марказий клиник шифохонанинг жонлантириш бўлимида оламдан ўтди.
Бу ҳақда депутатнинг оила аъзолари “Репорт” га берган баёнотида маълум қилишди.
Келиб чиқиши номаълум бўлган гипотоник хасталик ташхиси қўйилган Ганира Пашаева оғир аҳволи туфайли Марказий клиник шифохона тиббиёт ходимлари ва Туркиядан келган тиббиёт мутахассислари томонидан кўрилган барча чораларга қарамай, ҳаётдан кўз юмди.
Депутат 23 сентябрдан бошлаб соғлиғидаги жиддий муаммолар туфайли Марказий клиник шифохонанинг жонлантириш бўлимига ётқизилган эди.
Маълумот ўрнида, Пашаева Ганира Аласгар 1975 йилда туғилган. Озарбайжон давлат тиббиёт университетининг педиатрия факултетини ва Боку давлат университетининг халқаро ҳуқуқ факултетини тамомлаган. 1998 йилдан ANS телекомпаниясида мухбир, муҳаррир, етакчи муҳаррир, бош муҳаррир, бош муҳаррир ўринбосари, янгиликлар бўлими бош муҳаррири ўринбосари лавозимларида ишлаб келган. Озарбайжон Республикаси Миллий Мажлисининг 3, 4, 5 ва 6-чақириқлари депутати бўлган. Айни пайтда Миллий Мажлиснинг Маданият қўмитаси раиси лавозимида ишлаб келаётган эди.
