Бугун, 29 сентябр куни, соат 09:37 да Бухоро шаҳридаги Ислом Каримов кўчасида жойлашган вилоят "Ҳудудгазтаъминот" АЖ биноси олдидаги машиналар тўхтаб туриш жойида кучли портлаш юз берди.
Воқеа жойига зудлик билан ички ишлар идоралари ҳамда вилоят Фавқулодда вазиятлар бошқармаси ходимлари етиб борган.
Маълум бўлишича, "Кобальт" "Ҳудудгазтаъминот" акциядорлик жамияти ходимларидан бирига тегишли бўлиб, портлаш содир бўлган вақтда автомобил эгаси ўз хизмат хонасида бўлган. Мутахассислар биринчи хулосага кўра, автомашина газ босими юқорилиги сабабли портлаб кетган бўлиши мумкинлигини таъкидлашмоқда.
Портлаш оқибатида бир нечта автомашиналар енгил шикастланган. Жароҳатланганлар бир нафар ва вафот этганлар йўқ.
