Ўзбекистоннинг Россиядаги элчиси Ботиржон Асадов мамлакатда Россия капитали иштирокидаги компаниялар сони уч мингга яқинлашаётгани, сўнгги уч йилда эса бу кўрсаткич икки баробарга ошганини айтди. Бу ҳақда у РИА Новости агентлигига берган интервьюсида таъкидлаган.
Унга кўра, ҳозирда Россия Ўзбекистон иқтисодиётига “етакчи инвесторлардан бири” ҳисобланади.
Жорий йилнинг июль ойида АҚШ молия вазирлиги Ўзбекистон, Қирғизистон, Қозоғистон ва Тожикистонни Россияга санкция қўйилган товарлар етказиб бериши мумкин бўлган давлатлар рўйхатига киритган эди. Шу билан бирга, кейинроқ Американинг Тошкентдаги элчиси Даниел Розенблюм Ўзбекистон ҳукумати санкцияларга риоя қилиш истагини “аниқ тасдиқлаганини” айтган. Европа Иттифоқининг санкциялар бўйича махсус вакили Девид О'Салливан, ўз навбатида, агар ўзбек компаниялари санкцияларни четлаб ўтишга ёрдам берса, уларга нисбатан чеклов чораларини қўллашга рухсат беради.
