Таъмирлаш ишлари туфайли Тошкент шаҳрининг Бектемир ва Сергели туманларининг айрим ҳудудларига 10-октябр куни табиий газ етказиб бериш вақтинча тўхтатилади. Бу ҳақда “Ҳудудгаз Пойтахт” матбуот хизмати хабар берди.
Хусусан, Бектемир тумани (10:00 дан 18:00 гача) — “Миришкор” ва “Роҳат” маҳаллалари:
- аҳоли хонадонлари сони – 1500 та;
- улгуржи истеъмолчилар сони – 24 та.
Сергели тумани (11:00 дан 17:00 гача) — “Фароғатли”, “Хонабодтепа” ва “Суғдиёна” маҳаллалари:
- аҳоли хонадонлари сони – 434 та;
- улгуржи истеъмолчилар сони – 6 та.
Юзага келаётган ноқулайликлар учун газ таъминоти филиали истеъмолчилардан узр сўрайди.
