Арманистон Бош вазири Никол Пашинян Брюсселда ўтган учрашувда Озарбайжон Президенти Илҳом Алиев билан дастлабки келишувга эришилгани ҳақида маълум қилди. Бу ҳақда Вазирлар Маҳкамаси раҳбари Арманистон жамоат телевидениесига берган интервьюсида хабар берди.
“Бизнинг (Алиев билан) Брюсселдаги учрашувимиз томонларнинг тинчлик сари интилиш истагини билдиради. Бу эса икки-уч ой ичида тинчлик битимини имзоланишини англатади. Менга ҳар куни чегарада ўт очишни тўхтатиш режими бузилгани ҳақида хабар беришади ва охирги 24 соат ичида фақат битта ўқ отилган. Ҳозирда Арманистон-Озарбайжон чегарасида ҳеч қандай кескинлик ёки қўшинлар тўплангани йўқ", деди Арманистон Бош вазири.
