Минтақамизда қиш илиқроқ, тоғли ҳудудларда кўпроқ ёғингарчилик кузатилиши мумкин. Бу ҳақда мутахассис Эркин Абдулаҳатов Коперникус иқлим маркази прогнозига таяниб хабар бермоқда.
Маълум қилинишича, 2023-2024 йилнинг қиши (декабрь, январь ва февраль) минтақамизда иқлимий меъёрдан бироз юқори, илиқ, ёғин бўйича дарё ва сой манбалари яъни тоғларда қор-ёмғир кўпроқ ёғиб ўтишини прогноз қилган.
Мазкур вазият юқори эҳтимол, Тинч океанидаги Эль-Ниньо феномен ҳодисанинг фаоллигидан келиб чиқиб прогноз қилинган. Чунки, дунёда кузатилган сўнгги 2-3 та Эль-Ниньо ҳодисалари қишда бизнинг минтақа учун шу каби иқлимни тақдим этган.
