Ижтимоий тармоқларда Фарғона вилоятининг Учкўприк туманидаги давлат ташкилотларининг раҳбар ходимлари экани айтилаётган бир гуруҳ шахслар иш хонасида қарта ўйнаётгани акс этган фото тарқалган эди.
Маълум бўлишича, сурат ортидан Учкўприк тумани камбағалликни қисқартишириш ва бандлик бўлими бошлиғи ўринбосари Дилшодбек Далиев ва туман иқтисодиёт ва молия бўлими бошлиғи Сирожиддин Раҳмоналиев ишдан бўшатилган.
Дилшодбек Далиев расм интернетга тарқалмасдан бир кун аввал ўз аризаси билан ишдан кетганини даъво қилмоқда. Бу ҳақда ўзининг Facebook саҳифасида пост қолдирган.
"Ҳамма жойда ишдан олинди", бало бўлди баттар бўлди деб ёзяпти. Мен расм интернетга чиқмасдан бир кун аввал ишдан ўзим кетганман. Бу расмни менга ташлаб беришганди 3-4 кун аввал... Демоқчи бўлганим менда орият ор номус деган нарсалар бор... Ўзим кетганман ўзим...Ички ишлар ходимлари керакли материални тайёрлаб қўйишди. Хижолат бўлаётганлар хижолат чекманглар. Суд олдида ҳам айбимга яраша жазо оламан...
Хато қилган бўлишим мумкин, лекин хиёнат қилмадим...
Бир нарсадан лекин жуда афсусдаман. Менга ишонч билдирган раҳбарларимни олдида минг хижолат бўляпман холос... Мени кечиринглар!!! Баҳони халқ берсин...
