Ижтимоий тармоқларда Тошкент шаҳридаги кўчаларнинг бирида Hyundai автомашинаси орқага ҳаракатланаётган вақтда юқори тезликда ҳаракатланиб келаётган электромобиль унинг ортидан келиб урилиб, яна 4 та автомашинага урилгани акс этган видео тарқалди.
Ҳолат бўйича Тошкент шаҳар ИИББ ахборот хизмати маълумот берди.
Маълумотларга кўра, воқеа жорий йилнинг 31 март куни соат 01:30 ларда Миробод тумании Госпиталний кўчасида содир бўлган. 53 ёшли аёл Weltmeister электромобилини бошқариб келаётиб, Hyundai Sonata, Lacetti, Spаrk, Damas ва Ваз-2106 автомашиналари билан тўқнашув содир этган.
ЙТҲ оқибатида Weltmeister автомашинаси ҳайдовчиси ва унинг 57 ёшли йўловчиси ҳамда Hyundai автоулови хайдовчиси тан жароҳатлари билан шифохонага олиб борилган.
