Тошкентга Африкадан оқ шер, оқ Бенгал йўлбарси ва учта зебра ва учта жирафа боласи олиб келинди.
Ҳайвонлар Жанубий Африкадаги махсус фермада боқилган.
Ҳайвонларни ташиш CargoPoint компанияси томонидан ташкил этилган бўлиб, у Йоханнесбург – Антананариву – Истанбул – Тошкент йўналиши бўйича 10 827 км масофани босиб ўтди.
Пойтахт ҳайвонот боғи тарихида биринчи бўлган ушбу улкан лойиҳани амалга оширишга “Wildlife care” бошқарув компанияси ёрдам берган.
Ҳайвонлар мослашиш даврини ўтказишдан сўнг томошабинларга намойиш этилади.
